АҚШ президенті Дональд Трамп жаңа иммиграциялық «Алтын карта» визасы енгізілгенін жариялады. Шетелдіктер АҚШ бюджетіне 5 миллион доллар аударған жағдайда Америка азаматтығын ала алады.
Трамп бұл бағдарлама инвесторлардан АҚШ-тағы жобаларға шамамен 1 миллион доллар инвестициялауды талап ететін EB-5 визасын алмастыратынын айтты. Президент жаңа схема жұмыс орындарын ашатын және бизнесті дамытатын бай инвесторларды тартады деп есептейді.
- Виза АҚШ азаматтығына жол береді;
- EB-5-тен айырмашылығы, ақша тікелей бюджетке түседі;
- Apple сияқты корпорациялар құнды мамандарды тарту үшін бұл құралды пайдалана алады.
Трамп сонымен қатар қазіргі иммиграциялық жүйені сынға алып, АҚШ «визаны бекер беріп жатыр», ал бұл ұсынылған схема елге миллиардтаған доллар әкеледі деп айтты.
Шетелдіктер АҚШ үкіметіне 5 миллион доллар төлей алады. Ол үшін әрине , олар сынақтан өтуі керек. Президент оларға жасыл карта бере алады, олар Америкаға инвестиция сала алады, ал біз бұл ақшаны тапшылықты азайту үшін пайдалана аламыз, - деді Трамп.
«Алтын картаның» тұсаукесері алдағы екі аптада өтеді деп күтілуде.
