Атышулы іс туралы Ішкі істер министрлігі басшысының бірінші орынбасары Марат Қожаев айтты.
Мәжіліс алаңында журналистер Қазақстан Республикасы Ішкі істер министрінің бірінші орынбасары Марат Қожаевтан «Айка тізімі» деп аталатын эскорт қыздар мен олардың клиенттерін жазалау мүмкіндігі туралы сұрады..
Ол қыздардың әкімшілік жауапкершілікке тартылатынын айтты.
«Сот үкіміне түсініктеме бермеймін, сіздер бәрін білесіздер. Интимдік қызмет көрсеткен тұлғалар әкімшілік жауапкершілікке тартылады. Әкімшілік жауапкершілікке тарту мерзімі шектеулі, сондықтан әр адамда әртүрлі болады», — деді Марат Қожаев Мәжіліс алаңында.
Сондай-ақ журналистер одан жезөкшелердің клиенттерін жазалау идеясын қолдау қажет пе деп сұрады.
«Мен мұны өз басым қолдаймын», - деді Ішкі істер министрлігі басшысының бірінші орынбасары.
Еске салайық, кеше Алматыда сот «Айка тізімі» деп аталатын «элиталық эскорттар» желісін ұйымдастырған блогерге қатысты үкім шығарған болатын. Сот азаматша М.-ны кінәлі деп танып, 6 жыл 6 айға бас бостандығынан айырды. Өз кезегінде оның сыбайласы Т.-ны да кінәлі деп тауып, 3 жыл 8 айға бас бостандығынан айырды.
