Алматы әкімдігі пәтер сатып алуға ұсынылмайтын тағы екі тұрғын үй кешенін жариялады.
Хабарланғандай, Алматы қаласының Қала құрылысын бақылау департаменті интернет-ресурстарға мониторинг жүргізу барысында құрылысына құжаттардың толық пакеті жоқ көппәтерлі тұрғын үйлердегі жылжымайтын мүлікті сату туралы хабарландыруларды анықтады.
Әуезов Апартаменттері тұрғын үй кешені (Алмалы ауданы, Қарасай батыр көшесі, 183/19). Әкімдіктің мәліметінше, тапсырыс беруші «Гарант ЛТД Сервис» ЖШС.
«2021 жылдың 30 сәуірінде жоғарыда аталған мекенжай бойынша «Гарант ЛТД Сервис» ЖШС-нің тапсырыс берушісі қолданыстағы ғимараттарды қайта жаңғырту және қолданыстағы ғимараттарды бұзумен қызмет көрсету объектілері бар әкімшілік ғимаратты кеңейту туралы хабарламаны тапсырды. Жылжымайтын мүлікті сату сайттарында көрсетілген мекенжай бойынша пәтерлер туралы хабарландыру орналастырылған, ол қолда бар құжаттарға сәйкес келмейді», - деді әкімдікте.
Tole BI Residence тұрғын үй кешені (Алмалы ауданы, Аносова көшесі, 103 «Б»). Әкімдіктің мәліметінше, тапсырыс беруші «Адал Сити Строй» ЖШС. Сайттарда берілген ақпаратқа сәйкес, 1-блок 2023 жылдың 4-тоқсанында пайдалануға беріледі. Алайда, бүгінгі күнге дейін жоғарыда аталған нысан бойынша құрылыс-монтаждау жұмыстарының басталғаны туралы хабарлама түскен жоқ және бұл жұмыстар жүргізілмей отырғанын хабарлады.
"Алматылықтарға жылжымайтын мүлік сатып алмас бұрын салынып жатқан тұрғын үй кешендерінде құжаттардың толық пакетін тексеруді ұсынамыз. Мұны Алматы қаласы құрылысын бақылау департаментінің +7 (727) 229-81-36, сенім телефонына хабарласу арқылы жасауға болады,»- деп атап өтті әкімдік.
