Биржадағы алтын бағасы биыл оныншы рет жаңа рекорд орнатты, деп хабарлайды Reuters. Чикаго тауар биржасының мәліметі бойынша, алтынның бір унциясының бағасы шарықтау шегінде 2970 доллар тарихи белгіден асып түсті.
АҚШ президенті Дональд Трамптың жаһандық сауда соғысына әкелетін тарифтер енгізу қаупі аясында инвесторлардың қымбат металға деген қызығушылығы артып отырғаны атап өтілді.
Алтынның оныншы рекордтық бағасы 2025 жылы белгіленді. Бұған дейінгі рекорд 11 ақпанда орнатылған болатын. Жалпы, жыл басынан бері алтын 12 пайызға қымбаттады.
Басылым атап өткендей, сарапшылардың болжауынша, бір унция үшін $3000 белгісінен асуы уақыт мәселесі.
