Қорғаныс министрлігі Ресейге әскери техника жөнелтілді деген видеоға қатысты түсініктеме берді.
Әлеуметтік желіде әскери колоннаның өтіп бара жатқанын көрсететін видео тарады. Онда әскери техниканың Қазақстаннан Ресейге екі ел президенттерінің келісімі бойынша жіберілгені жазылған.
Бұл ақпаратты Қорғаныс министрлігі жоққа шығарды.
"Хабар шындыққа жанаспайды. Бұл қазақстандық техниканың Ресей Федерациясына жөнелтілуі емес", - деп түсіндірді ведомствоның баспасөз қызметі.
Сондай-ақ министрлік қазіргі уақытта Қазақстанға ҰҚШҰ бірлескен оқу-жаттығулары үшін техникалар жеткізіліп жатқанын хабарлады. Жаттығулар туралы ақпарат департаменттің ресми сайтында орналастырылған. Онда 2022 жылдың 26 қыркүйегі мен 8 қазаны аралығында Жамбыл және Алматы облыстарында өтетіні айтылған. Оларға ҰҚШҰ-ның «Өзара іс-қимыл-2022», «Поиск-2022», «Эшелон-2022» жедел әрекет ету ұжымдық күштері қатысуда.
"Осы оқу-жаттығуларға ҰҚШҰ-ға мүше мемлекеттердің әскери контингенттері біздің елге келеді. Олардың қозғалысы әртүрлі тәсілдермен жүзеге асырылады: теміржолмен, әуе көлігімен және доңғалақты әскери техникамен. Осыған орай, азаматтардан тараған қауесеттерге сенбеуді сұраймыз», - деп атап өтті басылым.
Бұған дейін елордалық полиция департаменті мигранттардың ағылуына байланысты үйден тыс балаларға бақылау күшейтілгені туралы жалған ақпараттық бюллетеньге түсініктеме берген еді.
