4 наурызда Эстонияның Тарту қаласында көркем гимнастикадан «Мисс Валентина Гран-приі» аяқталып, қазақстандық Айбота Ертайқызы екі медаль жеңіп алды.
Жарысқа 30 елден 33 спортшы қатысты.
Қазақстан құрамасының өкілі доппен гимнастикалық орындауда күміс (32,700 ұпай) және рингпен жаттығуда (32,55 ұпай) қола жүлдегер атанды.
«Валентин аруы» турнирі 1995 жылдан бері өткізіліп келеді. 2020 жылдан бастап бұл жарыс көркем гимнастикадан халықаралық Гран-при сериясына енді.
Айта кетейік, Айбота Ертайқызы командаласы Эльжана Таниевамен бірге Ресейдегі Ирина Винер академиясында жаттығады.
