Алматы қаласының Бас Ботаникалық бағында Яндекс-тің Плюс Дача алаңында Яндекс дубляжымен Гай Ричидің қазақ тіліндегі блокбастерлерінің көрсетілімдері өтеді.
18 қыркүйектен бастап бір апта ішінде көрермендер танымал режиссердің «Джентльмены», «Переводчик» және «Гнев человеческий» атты фильмдері енген шағын ретроспективасын, сондай-ақ «Ангел в тюбетейке» сияқты қазақстандық классиканы тамашалай алады.
Осы фильмдер Плюс Дача көрсетілімдерінен басқа, Яндекс Кинопоиск кинотеатрында да қолжетімді. Кинопоиск Гай Ричидің жаңа фильмдерінің бірлескен продюсері болып табылады, сонымен қатар арнайы қазақстандық нарық үшін оның шығармашылығы мен басқа да көрнекті жобаларын жергіліктендіреді. Сервисте қазақстандық блокбастерлер, «Қазақфильмнің» кең кітапханасы, сондай-ақ қазақ тілінде дубляжы бар ресейлік және халықаралық үздік хиттер жинақталған.
«Туған тілінде кино көру адам жанын әрдайым сүйсіндіреді. Әсіресе қазақстандық көрермендер үшін біз контентті жергіліктендіреміз: кәсіби дубляж жасаймыз, субтитрлер қосамыз. Қазір біздің Кинопоиск онлайн-кинотеатрымызда қазақ тілінде дубляждалған 50-ден астам шетелдік фильмдер мен хикаялар ұсынылған (мысалы, «Джон Уик», аниме «Атака Титанов», үнділік хит «Рядом ревет революция»), сондай-ақ контентті белсенді түрде жергіліктендіруді жалғастырудамыз. Мысалы, қыркүйек айының соңында платформада «Леди Баг и Супер Кот» танымал хикаясының негізінде қазақ тілінде дыбысталған жаңа анимациялық блокбастер қолжетімді болады», — деп атап өтті Яндекс Плюс-тің Қазақстан мен Орталық Азиядағы бас директоры Александр Фролов.
Қазақ тіліне аударылған әлемдік жобалардан басқа, Кинопоиск пайдаланушылары арасында қазақстандық контент сұранысқа ие. Сервис пайдаланушылары 2,5 миллион сағаттан астам уақыт бойы қазақстандық контентті тамашалаған. Оның ішінде тек 2023 жылы ғана 1,8 миллион сағаттан асады.
Анықтама:
Плюс Дача — Алматы қаласының Ботаникалық бағындағы қалалық мәдени алаң. Іс-шаралар бірегей камералық форматтарда өтеді: Кинопоиск-тен кино көрсетілімдері, Яндекс Музыка-дан музыкалық оқиғалар, шеберлік кластары және т.б. Кеңістік 24 қыркүйекке дейін жұмыс істейді. Барлық оқиғалар Яндекс Плюс жазылушыларына алдын ала тіркелу бойынша тегін.
