Беделді америкалық байқаудың бірінші турында өнер көрсету үшін Данелия Төлешова голландиялық әнші Дункан Лоуренстің «loving you is a losing game» әнін шырқады.
Данелия Төлешованың өнері жобаның барлық қазылары мен көрермендерге ұнады. Әнді орындағаннан кейін барлығы қошемет көрсетіп, орындарынан тұрып қол соқты.
Неміс супермоделі, актриса және тележүргізуші Хайди Клум музыкалық сүйемелдеусіз қазақ қызының таңғажайып акапелла дауысынан ләззат алғысы келетінін атап өтті.
«Барлық тұрғыдан алғанда, бұл таңғажайып, керемет қойылым болды», — деді қазылар алқасының мүшесі.
Канадалық әзілкеш, актер, тележүргізуші және дауыс актер Хауи Мандель бұл жолы жас қазақстандықтың байқауға отбасынсыз ұшқанына назар аударды.
«Бұл маған керемет болып көрінеді: сізді еліңізден және отбасыңыздан мыңдаған миль бөліп тұр. Соншама алыс елден өнер көрсетуге келгеніңіз керемет», — деді ол.
