2024 жылдың аяғында Қазақстандағы орташа жалақы 858 долларды (402,6 мың теңге) құрады, бұл Қазақстанды Еуразиялық экономикалық одақ (ЕАЭО) мемлекеттері арасында екінші орынға шығарды.
Одақтың барлық елдерінде номиналды да, нақты да жалақының өсуі тіркелді. Дегенмен, өсу қарқыны әртүрлі:
- Беларусьте нақты жалақы 13%-ға өсті,
- Ресейде – 9,1%-ға,
- Қырғызстанда – 7,3%-ға,
- Арменияда – 6,1%-ға,
- Қазақстанда – 2,7% ғана.
Нақты табыстардың салыстырмалы түрде төмен өсуіне қарамастан, Қазақстандағы номиналды жалақы 11,6%-ға өсті, бұл Армениядағыдан жоғары (6,4%), бірақ ЕАЭО-ның басқа елдерімен салыстырғанда төмен.
ЕАЭО елдеріндегі орташа айлық жалақы:
- Қырғызстан – $429 (196,6 мың теңге)
- Беларусь – $701 (329,2 мың теңге)
- Армения – $731 (341,8 мың теңге)
- Қазақстан – $858 (402,6 мың теңге)
- Ресей – $951 (439,7 мың теңге)
