Қазақстандықтарға қазан айында байланыс және телерадио хабарларын тарату сапасының нашарлауы туралы ескертілді.
«Қазтелерадио» АҚ хабарлағандай, 8-16 қазан аралығында байланыс сапасының нашарлауы күтілуде.
«Қазтелерадио» АҚ 2023 жылдың 8 қазаны мен 16 қазаны аралығында күзгі күн кедергісі кезеңінің өтуі және байланыс және хабар тарату арналарының сапасының ықтимал нашарлауы туралы хабарлайды», - делінген хабарламада.
KazSat сериялы ғарыш аппараттарына бағытталған антенналар үшін күн кедергісін есептеу бағдарламасын мына жерден табуға болады.
Естеріңізге сала кетейік, 15 қыркүйекте Қазақстанда спутниктік телерадио хабарларын тарату және спутниктік деректерді беру қызметтері тоқтатылды. Цифрлық даму, инновациялар және аэроғарыш өнеркәсібі министрлігінің мәліметінше, Ай мен Жердің көлеңкелі аймақтарының ұзақ өтуі кезінде KazSat-3 байланыс ғарыш аппаратының аккумуляторлық блоктары разрядталған.
