Apple компаниясы барлық жаңа смартфондардың нейрожелі мен жасанды интеллект (ЖИ) мүмкіндіктерін барынша қолдауын қалайды. Сондықтан бұл сериядағы барлық құрылғылар 12 гигабайт жедел жадпен жабдықталмақ. Бұл туралы танымал инсайдер Digital Chat Station Weibo блогында хабарлады.
Сондай-ақ, Digital Chat Station 2026 жылы Apple компаниясы iPhone 18 сериясын таныстыратынын айтты. Оның дереккөздерінің мәліметінше, бұл құрылғылар LPDDR5X жедел жадының 6 арналы модульдерімен жұмыс істейтін болады. Бұл құрылғылардың өнімділігін едәуір арттыруы тиіс.
2024 жылдың күзінде Apple iPhone 16 сериялы смартфондарын шығарды. Бұл қатардағы төрт құрылғы да 8 гигабайт жедел жадпен жабдықталды. Ол кезде Apple бұл көлем жасанды интеллект жүйесі — Apple Intelligence жұмысы үшін жеткілікті екенін айтқан.
