Катар әмірі шейх Тамим бен Хамад әл-Тани президент Қасым-Жомарт Тоқаевты 20 қарашада басталатын әлем чемпионатына шақырды.
"Келесі айдың соңында Катарда әлем чемпионаты басталады. Мен президент мырзаны чемпионатқа шақырамын. Дәл осы уақытта Қазақстанда президенттік сайлау және басқа да саяси шаралар өтетінін білемін. Дегенмен, чемпионатқа келерсіз деп сенемін», - деді шейх Тамим бен Хамад Әл Тани Ақордада өткен брифингте.
Футболдан 22-ші әлем чемпионаты 20 қараша мен 18 желтоқсан аралығында Катарда өтеді. Алғаш рет әлем чемпионаты Таяу Шығыста өтеді.
