Қазақстандықтардың Оңтүстік Кореяға заңсыз еңбек миграциясы мәселесі екі ел үшін өзекті болып тұр.
Бұл туралы Қазақстан Республикасы Еңбек және халықты әлеуметтік қорғау министрлігі Көші-қон комитетінің төрағасы Ілияс Спанинов Орталық коммуникациялар қызметінде өткен брифингте айтты.
«Корея Республикасында заңсыз шетелдік мигранттар мәселесі өте күрделі. Осы арқылы Корея үкіметі Қазақстанға жұмысқа орналасуға рұқсат беру жүйесі бойынша еңбек миграциясын жүзеге асыруды ұсынды», – деді Ілияс Спанов.
Оның айтуынша, Қазақстан мен бірқатар елдер арасында визасыз режим орнағалы бері шетел мемлекеттері, оның ішінде Корея Республикасы (2014 жылғы 19 қарашадан бастап), Қазақстан азаматтарының Кореяға туристік, медициналық, іскерлік мақсатта кіруі айтарлықтай жеңілдеген. Соған қарамастан, азаматтардың заңсыз еңбек көші-қоны Қазақстанның Оңтүстік Кореяға баруы күн тәртібіндегі өзекті мәселелердің біріне айналған.
