Санжар Тәшкенбай Ұлттық ұлан қатарында қызмет етеді.
Бокстан әлем чемпионы Ұлттық ұлан сапына шақырылды. Бұл туралы Polisia.kz хабарлады.
Бокстан Қазақстан ұлттық құрамасының өкілі, 2023 жылғы әлем чемпионы Санжар Тәшкенбай еліміздің мәдени астанасында Отанға адал болуға салтанатты түрде ант берді.
5571 әскери бөлімінің парад алаңында Отан алдындағы борышын өтеу үшін барлық облыстар мен республикалық маңызы бар қалалардан әскери борышын өтеуге келген 700-ге жуық жас сарбаздың салтанатты ант қабылдау рәсімі өтті. Олардың қатарында бокстан әлем чемпионы Санжар Тәшкенбай да бар.
"Армия – жас жігітке берері мол нағыз өмір мектебі. Мен үшін боксшы ретінде бұл өте маңызды. Ұлттық ұлан қатарына қабылданғанымды мақтан тұтамын. Мен қызметімді абыроймен атқарып, әскери бөліміміздің туын биік ұстаймын», – дейді қатардағы жауынгер Санжар Тәшкенбай.
