Қазақстанда «Болашақ» стипендиясына құжаттар қабылдау басталды. Сондай-ақ, 3 наурыз бен 31 қазан аралығында ғылыми тағылымдамадан өтуге өтініштер қабылданады. Құжаттар Халықаралық бағдарламалар орталығының астаналық кеңсесіне тапсырылуы тиіс.
Конкурстық іріктеу 2025 жылдың 1 сәуірі мен 31 желтоқсаны аралығында өтеді.
2025 жылы «Болашақ» бағдарламасы бойынша оқуға 645 шәкіртақы бөлінді. Оның ішінде 411 шәкіртақы магистратураға, 41 шәкіртақы докторантураға/резидентураға, 193 стипендия тағылымдамадан өтуге арналған. 2025 жылға арналған ғылыми тағылымдама бағдарламасы бойынша 250 шәкіртақы бөлінді, - деп хабарлады халықаралық бағдарламалар орталығының баспасөз қызметі.
Шетелде кадрлар даярлауда инженерлік, техникалық және медициналық мамандықтарға басымдық берілетіні айтылды.
Мемлекет оқу ақысын, тағылымдамадан өтуді, жол жүруді, сақтандыруды, виза ақысын, оқу материалдарын өтейді, сонымен қатар ай сайынғы стипендия төлейді.
