Аралас жекпе-жек шебері Шавкат Рахмоновқа Астанада лайықты сый-сияпат жасалды.
Танымал спортшы Шавкат Рахмоновқа халық атынан шапан жауып, ат мінгізілді.
Спрот шеберіне бұл құрметті белгілі меценат, Астана қаласы бойынша ат спорты федерациясының президенті Әлібек Мұқатаевтың жасағаны белгілі болды.
Өзім спортпен айналысамын және спортшыларды жақсы түсінемін. Өскелең ұрпақтың спортпен шұғылдануына және үлгі тұту мақсатында Шавкатқа жылқы сыйға тартуды ұйғардым. Әлеуметтік медианың күшін білесіз, бұны көрген жастар ойланады, түрткі болады, дем береді. Шавкат Рахмоновтан бөлек, бұған дейін боксшы Сәкен Бибосынов және басқа да спортшыларға ат мінгіздім. Спортшы жігіттерімізді үнемі қолдауға тырысамын, - дейді меценат Әлібек Мұқатаев.
Бұған дейін Шавкат Рахмонов Лас-Вегаста UFC 285 турнирінде Шавкат Рахмонов америкалық Джефф Нилді жеңген еді. Кейін белгілі спортшыны мемлекет басшысы арнайы қабылдады.
