Жапондық мультфильмдер, еуропалық туындылар сияқты, жиі тиісті бағаланбай жатады. Анимациялық фильмдерді ешқашан көрмегендер үшін олар бірдей және қызықсыз болып көрінеді, алайда жапондық анимация шедеврлерге толы. Бүгінгі топтамада отбасылық көру үшін ең тамаша 5 үздік аниме тізімін ұсынамыз.
Унесенные призраками, (2001)
Ата-анасын құтқару үшін рухтар әлеміне аттанған қыз туралы бұл фильм Берлин кинофестивалінде бас жүлдені, кейінірек Оскарды жеңіп алды. Туған жері Жапонияда жылдың ең жоғары табысы ғана емес, сонымен қатар бүкіл әлемдік прокат тарихындағы ең жоғары табысқа айналды. Бұл жолы Миядзаки Кэмерон мен оның Титанигін басып озды. Кейіннен фильм кино тарихындағы ең жақсы анимациялық жобалардың әртүрлі тізіміне енді.
Он жасар Чихиро ата-анасымен жаңа үйге көшіп бара жатқан жолда бірде-бір тірі адам жоқ бейтаныс қалаға тап болады. Айналада тыныштық пен әр түрлі тағамдарға толы таңғажайып салтанатты дастархан жайылған. Ата-анасы аштықты сезініп, тамақ жеп, шошқаға айналып кетеді. Бұл зұлым сиқыршы Юбабаның сиқыры еді. Жалғыз қалған Чихиро ата-анасын адам кейпіне келтіру үшін Юбаба әлеміне аттанады.
Твоё имя (2016)
Мультфильм басты кейіпкерлер Таки Тачибана мен Мицуха Миямизумен таныстырудан басталады. Бір күні олар өздері үшін маңызды нәрсені жоғалтқандай сезіммен оянып, кеше не істегендерін есіне түсіре алмайды. Таки Токиода, ал Мицуха ауылда тұрады. Олар бірін-бірі танымайды, бірақ олардың жан дүниесі тығыз байланысты. Мультфильм 2016 жылы шығарылды және оны жапондық аниматор Макото Шинкай («Секундына 5 сантиметр» анимесінің авторы) түсірген.
Шёпот сердца (1995)
Шидзуку Цукишиме бос уақытының барлығын кітапханада өткізетін мектеп оқушысы. Алайда, қыз қандай кітапты алса да, ол әр формада Сейджи Амасава есімін кездестіреді. Ол қыздың алғашқы махаббаты еді. Айтпақшы, Шидзуканы дыбыстаған диктор Йоко Хонна өз кейіпкерімен құрдас еді.
Бұл Studio Ghibli тарихындағы компьютерлік графиканы пайдаланған алғашқы фильм және жапондық аниматор Йосифуми Кондоның жалғыз режиссерлік жұмысы. Премьерадан үш жылдан кейін ол қайтыс болды. Бұған дейін ол «Могила светлячков» және «Принцесса Мононоке» мультфильмдерін жасауға қатысқан.
Ходячий замок (2004)
Миядзакидің 2000-шы жылдардың ортасындағы ерекше жұмысы, онда шебер ағылшын тіліндегі материалға жүгінеді. Анимация жазушы Диана Уин Джонстың ертегі романына негізделген және Миядзаки үшін шабыттың бөлек көзі иллюстратор және карикатурист Альберт Робиданың футуристік жұмыстары болды.
Фокус тағы да сиқырға қойылады. Сиқыршы он сегіз жасар Софи есімді қызды егде жастағы, қартайған ханымға айналдырады. Ерекше жағдайға тап болған кейіпкер қаладан қашып кетеді, себебі оны тіпті туыстары да танымайды. Софи Калсифер жын мен сиқыршы Хаул тұратын таңғажайып «аяқтары бар үйдің» тұрғындарын кездестіреді. Батыл Софи жынға көмектесуді шешеді, өйткені сыртқы көріністер жиі алдамшы болуы мүмкін.
Форма голоса (2016)
Шой Ишида - мектеп бұзақысы, ол достарымен бірге саңырау сыныптасы Шоко Нишимияны үнемі қорқытады. Бірақ мұны үлкендер білген соң өзі қорлаудың құрбанына айналады. Бұл мультфильмде бәрі бар: достық пен сатқындық, жанашырлық пен қатыгездік, суицид және алғашқы махаббат туралы ойлар. Бірақ дауысыңыз болмаса, бұл туралы қалай айта аласыз? Бұл шынымен де жапондық аниматор Наоко Ямаданың өте әсерлі туындысы. Сондай-ақ, әлемге танымал «My Generation» атты саундтрек осы фильмде жарық көрді.
Ақерке Дүйсенбай
