Фильмде басты рөлдерді Джон Красински (Люк) және Натали Портман (Шарлотта) орындады. Сюжет бойынша басты кейіпкерлер қайтыс болған археологтың бауыры мен қарындасы. Люк – қазына аңшысы, ал Шарлотта – галерея қызметкері, сақтықты ұстанатын адам.
Трейлердің ұзақтығы екі минуттан сәл ғана артық. Видео астына мыңнан астамс пікір қалдырылған. Пайдаланушылар алдағы премьераны белсенді түрде талқылауда.
«Бізге тағы да қазына іздеушілер туралы фильмдер өте қажет», «Өтінеміз, Apple, фильмді кинотеатрға жіберіңіздер. Гай Ричидің фильмдері әрдайым кинотеатрда көрсетуге лайық», «Керемет каст», «Ақыры. Мен дәл осындай фильмдерді сағындым, онда шынымен де шытырман оқиғаға шығып барасың. Бұл көңілді болар деп үміттенемін», – деп жазды желі қолданушылары.
Айта кетейік, фильмнің премьерасы 2025 жылдың 23 мамырында Apple TV платформасында өтеді.
Гай Ричи — британдық режиссер, сценарист және продюсер, көбінесе қылмыстық драмалар мен комедиялық фильмдермен танымал. Ол кинематографияда өз стилімен ерекшеленеді, оның фильмдері көбіне жылдам монтаж, остроумды диалогтар мен күрделі сюжеттерге толы. Ричи 1998 жылы шыққан "Карты, деньги, два ствола" (Lock, Stock and Two Smoking Barrels) фильмімен үлкен танымалдылыққа ие болды. Бұл фильм оның кино әлеміндегі дебюті болып, кейіннен оның танымалдылығын арттырды.
Оның ең танымал шығармаларының бірі — 2000 жылы шыққан "Большой куш" (Snatch), сондай-ақ "Шерлок Холмс" (2009) және оның жалғасы. 2019 жылы ол "Джентльмены" (The Gentlemen) фильмін түсіріп, қайтадан қылмыстық жанрда үлкен жетістікке жетті.
Гай Ричи өзінің ерекше стилімен әлемдік киноиндустрияда кеңінен танылды. Оның фильмдері көбінесе күлкілі, динамикалық және бірегей сюжеттермен ерекшеленеді.
