Әйгілі футболшы Криштиану Роналду әлеуметтік желіде бір миллиард жазылушыға жетіп, тарихи рекорд орнатты.
Саудиялық «Аль-Наср» клубының және Португалия құрамасының шабуылшысы бұл рекордтық қолданушыға қол жеткізген алғашқы адам болды. Бұл туралы Роналду Instagram парақшасында хабарлады.
Ол әртүрлі платформалардағы жазылушылардың жалпы саны бір миллиардқа жеткенін атап өтті. Бұл санға Instagram (639 миллион), Facebook (171 миллион), X (113 миллион), YouTube (61 миллион), сондай-ақ қытайлық KuaiShou (9 миллион) және Weibo (7,5 миллион) әлеуметтік желілеріндегі жазылушылар кіреді.
"Біз тарих жасадық - 1 миллиард жазылушы! Бұл жай ғана сан емес, ойын мен өмірге деген ортақ құмарлығымыз бен сүйіспеншілігіміздің дәлелі. Мадейрадан бастап әлемнің ең үлкен сахналарына дейін мен әрқашан отбасым үшін және сіздер үшін ойнадым. Қазір бізде миллиардтар бар, мен сіздердің сенімдеріңіз бен қолдауларыңызға ризамын, ең жақсысы әлі алда, біз бірге жеңіп, жаңа оқиғаларды жасаймыз», - деп жазды футбол жұлдызы.
Еске салайық, Роналду сонымен қатар ресми матчтарда 900 гол соққан тарихтағы алғашқы футболшы болды. «Алтын доптың» бес дүркін иегері атанған 39 жастағы Роналду «Спортинг Лиссабон», Англияның «Манчестер Юнайтед», «Реал Мадрид» және Туриндегі «Ювентус» командаларында ойнау арқылы танымал болды.
