Ресми деректер бойынша Түмен облысында қырық мыңға жуық қазақ тұрады. Ресейдің бұл аймағында қазақ тілі міндетті пән ретінде оқытылатын мектептер бар. Қазақ сыныптары толық.
Ана тілін үйрену үшін ата-аналар балаларын көрші аудандардан тасымалдауға дайын.
«Осыдан он жыл бұрын бізге небәрі 10-15 бала оқуға келетін. Қазір бізде 100-ден астам мектеп оқушылары өз ана тілін, мәдениетін, салт-дәстүрін үйренуге ұмтылуда. Олар домбыра, қазақ халық биі үйірмелерінде білім алуда», – дейді Түмендік Асқар Үбітайұлы.
Түмендіктер қазақ тілін үйренуде екі мәселеге тап болды – оқулықтар мен мұғалімдердің жетіспеушілігі. Біріншісі Алтай республикасынан келген мұғалімдердің арқасында шешілді. Үш жыл бұрын олар Білім министрлігімен сертификатталған оқу-әдістемелік кешендерін әзірледі. Енді орыс қазақтары өздерінің оқулықтарын пайдалана отырып, ана тілін мектеп пәні ретінде оқи алады.
«Мәселе мұғалімдерде. Қазіргі уақытта Қазақстанға барып, оқыған адамдар. Қазір олар сертификатталған мұғалімдер, бірақ олардың саны өте аз. Ауыстырылған жағдайда ондай ұстаздарымыз жоқ», – дейді Қазақ ұлттық-мәдени автономиясының өкілі Халел Омаров.
Қиындыққа қарамастан Түмен облысындағы кандастар алдағы уақытта қазақ тілін оқытатын сыныптар көптеп ашылады деп үміттенеді. Ол үшін Қазақстан-Ресей бірлескен оқу бағдарламасы қажет.
