Қарағанды облысындағы құс фабрикасы өртенді. Апаттың себебі - ашық өрт деп болжалды.
Қарағанды облысы Төтенше жағдайлар департаментінің хабарлауынша, кеше, 6 қарашада өрт сөндіру бөліміне Абай ауданы Құрма ауылында «Агрофирма Құрма» ЖШС құс фабрикасы өртенгені туралы хабарлама түскен.
Хабарланғандай, бір қабатты жұмыртқа сақтайтын ғимараттың ағаш шатыры, сонымен қатар ғимарат ішінде сақталған ағаш паллет пен картон пакеттер, жалпы алаңы 450 шаршы метр өрт шыққан.
«Өрт туралы хабарлама 12.42-де түсті. Оның жойылуы 19.15-те болды. Құрбандар мен зардап шеккендер жоқ», - деп нақтылады Қарағанды облысы Төтенше жағдайлар департаментінің баспасөз қызметі.
