Қазақтың ұлттық ойындарын көрсеткен тәжірибелі каскадерлер президентпен сөйлесті.
Қазақстан Республикасының Президенті Қасым-Жомарт Тоқаев Наурыз мейрамын тойлау аясында Nomad Stunts шабандоздарының шоуын тамашалады, деп хабарлайды Ақорданың баспасөз қызметі.
Мемлекет басшысы мен көптеген көрермендер алдында тәжірибелі каскадерлер мен шабандоздар өнер көрсетті. Топ жетекшісі Жайдарбек Күнғожинов Мемлекет басшысына 2020 жылы беделді каскадерлер Taurus World Stun Awards сыйлығымен марапатталғанын айтты.
Шабандоздар қазақтың ұлттық ойындары аударыспақ, қыз қуу, теңге алу, садақ ату түрлерін көрсетіп, «Көшпенділер шеруін» де қойды.
Шоу аяқталғаннан кейін Қасым-Жомарт Тоқаев Nomad Stunts тобының жетекшісі, Қазақстанның еңбек сіңірген қайраткері Жайдарбек Күнғожиновке арнайы жазуы бар ер-тоқымын сыйға тартты.
