Фильм 50 фильмнің ішінде үздік деп танылды.
Тарихта тұңғыш рет қазақстандық көркем фильм Шанхай халықаралық кинофестивалінде жеңімпаз атанды. Режиссер Данияр Саламаттың «Талақ» тарихи фильмі басты байқау бағдарламасында әлемнің 29 елінен келген 50 фильмнің арасынан үздік деп танылды.
XXVI Шанхай халықаралық «Алтын кубок» кинофестивалінің толық залы жеңімпаз әрі қазақ киносының жаңа тарихын жасаушы Данияр Саламатқа қошемет көрсетті. Соңғы ауқымды шарада отандық режиссердің «Талақ» фильмі үздік деп танылды. Жеңімпаздарды туған топырағында туған-туыстары мен әріптестері қарсы алды.
"Шынымды айтсам, әріптестерімнің фильмдерін тамашалап, атмосфераға сүңгіп, жетістіктеріне қуануды мақсат еттім. Мен жеңу туралы ойлаған жоқпын. Бұл әлемдегі ең ірі кинофестивальдердің бірі. Біз көптеген тамаша фильмдердің ішінен озып шықтық, бұл мен үшін де, әріптестерім үшін де мойындау. Біз жеңдік, бастысы осы", - дейді режиссер Данияр Саламат.
Бейімбет Майлиннің әңгімелері негізінде түсірілген «Талақ» көркем фильмі өткен ғасырдағы дәстүрлі қазақ көшпелілігінің соңғы жылдарын баяндайды. Бұл бір отбасының, бүкіл халықтың трагедиясы.
"Біздің фильм іріктеуден өткенде, содан кейін кинофестивальдің басты ұтысына іріктеліп алынғанда қатты қобалжыдым. Мен мұндай рөлді ойнауды армандадым деу ештеңе айтпаумен тең. Қытайлық және шетелдік кино сыншылары мен телекөрермендері фильмді үлкен ықыласпен қабылдады. Отандық киносүйер қауым бұл фильмді бағалайтынына сенімдімін", - деді актер Ерболат Әлқожа.
«Талақ» фильмі Мәдениет және ақпарат министрлігінің тапсырысы бойынша түсірілген. Тарихи фильмнің түсірілімі Алматы облысында Әулиеағаш ауылының маңында өтті. Фильм биыл күзде Қазақстанда прокатқа шығады деп күтілуде.
