Backstreet Boys өздерінің киберспорт командасын құрды
Америкалық поп-топ Backstreet Boys халықаралық Global Gaming League лигасына қатысатын Backstreet Gamers командасын құрғанын жариялады
Топтың барлық бес мүшесі — Ник Картер, Хауи Дороу, Эй Джей Маклин, Брайан Литтрелл және Кевин Ричардсон — жаңа киберспорт клубының серіктес иелері атанды. Команда T-Pain, Ne-Yo және Flavor Flav сынды рэперлер, сондай-ақ тележүргізуші Хауи Мэндел командалары бар танымал тұлғалардың ұжымдарымен сайысқа түседі.
Музыканттар Backstreet Gamers-тің ресми логотипі мен маскотын таныстырып, ойыншыларды жинауды да жариялады. Үміткерлер турнирлерге қатысып, шеберліктерін көрсетіп, GGL PRIMES онлайн-платформасы арқылы іріктеуден өте алады. Топ киберспортта мансап құруға ниетті әйелдерге ерекше көңіл бөлуді жоспарлап отыр.
Global Gaming League түрлі бейнеойындар бойынша жарыстарды концерттік қойылымдармен және жұлдыздардың қатысуымен ұштастырады. Жобаны музыкалық продюсер Клиnton Спаркс рэпер T-Pain және кәсіпкер Джефф Хоффманмен бірлесіп негізін қалады.
Ник Картердің айтуынша, Backstreet Boys мүшелері көптен бері видеойындарға қызығады және тек жанкүйерлерді киберспортқа тартуды ғана емес, лиганың өзге командаларына да зор бәсеке көрсетуді көздейді. Backstreet Gamers-тің алғашқы өнер көрсету күні әзірге жарияланған жоқ.
