23 қыркүйекте Димаштың Алматыдағы жеке концертінде әншінің «Бір аспан тарихы» атты авторлық композициясының премьерасы өтті. 24 қыркүйекте әншінің жанкүйерлерімен өткен фан-кездесуінде көрермендер бұл туындының бейнебаянын алғаш рет көрді.
Әннің композиторы Димаш Құдайбергеннің өзі болғаны хабарланды. Бейнебаян сценариі де Димаштың өзі жазған оқиғаға негізделген деп жазады esquire.kz dimashnews.com сілтеме жасап.
Режиссер Алина Верпя жаңа бейнебаянның жасалу барысы туралы айтып берді.
"Клип бірнеше бөлікке бөлінген. Оның біріншісі - балалық шақ. Басты кейіпкер, оның досы мен ғашық болған қызының, үш баланың балалық шақтағы оқиғалары, мәңгілік достықтың символдарымен байланыстырады. Бір күні досы бас кейіпкерді суға батып бара жатқанда құтқарып қалады. Екі достың арасындағы бәсекелестік балалық шақтан бастау алады, себебі екеуі бір қызға ғашық. Балалық шақтағы күйзеліс, проблемалар сюжет желісі бойынша бірден ересектердің тоталитаризм мен күрес әлеміне ауысады.
Үш достың бірі қара жолға түсіп, президент рөлінде антагонисттік құтқару соғысы идеясын жүзеге асырады:
"Бізді бейбітшілікке тек соғыс қана әкеледі. Тек ең күштілер ғана жүрегінде махаббатты таба алады. Біз әлемге еркіндік беру үшін күшті болуыңыз керек. Әрбір қала, әрбір үй біртұтас әлем. Біз осы жаңа өмірді бастауға дайын адамдарды күресуге шақырамыз. Қарсылық көрсеткен адамға жанымызда орын жоқ. Мен еркіндікті таңдаймын. Менің алдымда үлкен ашық, мен оны саған бергім келеді. Адамдар үшін соғыс – бірлікке апаратын жол» деген сөздермен адамдарды соғысқа бастайды.
Басты кейіпкерді де бірлік, татулық туралы, бірақ жақсылық пен махаббат призмасы арқылы әңгімелейді.
Соғыс процесінде ол абдырап, есеңгіреп қалады, бірақ ол өз отбасын - жүкті әйелін (бала кезінде екеуі ғашық болған сол қызды) және қызын құтқаруы керек. Үйге келгенде ол өлген адамдардың суретінен шошып, оның отбасының да қайтыс болғанын түсінеді. Бұл драманы басынан өткергеннен кейін ол кек алу үшін антагонистке қарай жылжиды. Дегенмен, бас кейіпкердің әйелі әлемді құтқара алатын ерекше ұл туылуы керек екенін білетін бейбітшілік үшін біріккен түрлі ұлттар пен конфессияның өкілдерінің көмегімен аман қалды. Бейнебаян соңы трагедиялық екі бала кездегі достардың өлімімен аяқталады», - деді директор.
Ол сонымен қатар бейнебаянда көрсетілген тағы бір параллель сызығы туралы айтты.
" Бейнебаянда әртүрлі дін өкілдері бірігіп, осы әлемді нұрландыратын Аспан көзін ашатын қандай да бір жерге қиын жолмен келе жатқанын көреміз. Біріктігу арқылы Үміт пен Сенім сияқты басты кейіпкер дүниеге келеді. Олардың жолы жалпы сенімнің символы болып табылады, өйткені олар әрқашан сынақтардан өтеді. Біз шындыққа барған кезде сынақтардан өтеміз және біріксек қана Құдайға барар жолымыз айқын болмақ.
Бұл клип соғыс туралы емес, бейбітшілік туралы. Мұндағы соғыс - бір-бірімізге деген сүйіспеншілікті жоғалтқан кезде болатын нәрселердің контрастын білдіретін құрал. Бұл балаларымыздың өмірін, сүйіспеншілігін, достығын, жерін сақтау үшін ұлттық, әлеуметтік, діни ұстанымдар бойынша бір-бірін бөлуді тоқтатуға, бірігуге шақыру туралы», - деп түйіндеді сөзін ол.
