Бүгін, 23 наурызда футболдан Қазақстан ұлттық құрамасы 2024 жылғы Еуропа чемпионатының іріктеу кезеңін бастайды. Ойынды қалай көреміз?
Кездесу Астанада өтеді және жергілікті уақыт бойынша сағат 21.00-де басталады. Оны Qazsport телеарнасы тікелей эфирде көрсетеді. Трансляция арнаның ресми сайтында қолжетімді болады.
Қазақстан-Словения матчының тікелей трансляциясы Астана уақытымен 20:50-де басталады.
Бұған дейін Қазақстан мен Словения құрамалары бір-бірімен кездеспеген. Соңғы кездесулеріне келсек, қараша айында Қазақстан құрамасы жолдастық кездесуде Біріккен Араб Әмірліктері құрамасынан 1:2 есебімен жеңілсе, Словения Черногорияны 1:0 есебімен ұтты. Айта кетейік, Қазақстан құрамасы қатарынан үш рет жеңіліске ұшырады (екі жолдастық кездесуде және бір ресми кездесуде), ал Словения құрамасы алты кездесуде (үш жеңіс және үш тең ойында) жеңілген жоқ.
Ал 26 наурызда қазақстандықтар өз алаңында даниялықтарды қабылдайды.
