Қазақстан мұсылмандары діни басқармасы мектептерде орамал тағуға қатысты мәлімдемесін жариялады.
«Әділ, білімді ұрпақ тәрбиелеу – әрбір ата-ананың басты мақсаты. Шариғат бойынша мұсылман әйел балиғат жасынан бастап орамал тағуы керек, білім алу да оның міндеті. Мүфтият шариғат бойынша балиғат жасына жеткен мұсылман қыздың орамал тағуы міндетті екенін мойындайды. Бірақ орамал тағу біздің дәстүріміз екенін де ұмытпағанымыз жөн. Мұсылман қауымы мұны терең білуі керек. Бірақ шариғат бойынша қыздардың балиғат жасына дейін орамал тағуы шарт емес. Мұны да жамағат дұрыс түсінуі керек», - делінген хабарламада.
Сонымен бірге баяндамада шариғат балиғатқа толмаған қызды орамал тағуға міндеттемейтіні атап өтілген.
«Жыл сайын жаңа оқу жылы басталмай тұрып, қоғамда оқушы қыздардың мектепте орамал тағуы керек пе дегенге қатысты түрлі көзқарастар туындайды. Бұл мәселе мүфтият қызметкерлерін де алаңдатып отыр. САМК өз құзыреті шегінде осы мәселе бойынша уәкілетті мемлекеттік органдарға тиісті ұсыныстар берді. Дұрыс шешім қабылданып, мұсылман қауымының өтініші ескеріледі деп сенеміз», - делінген хабарламада.
Естеріңізге сала кетейік, Талғат Рысқұлбек қызын хиджабпен сабаққа жібермей, Шешенстанға кеткісі келген. Сондай-ақ, Бекболат Тілеуханның бұрынғы келіні мектептерде намазхана ашуды ұсынды.
