Бұл платформада кандидаттың өмірбаянымен, оның сайлауалды бағдарламасымен, Республикалық қоғамдық штаб мүшелерінің қызметімен және т.б. танысуға болады.
Сайт ең алдымен пайдаланушының ыңғайлылығына және қажетті ақпаратқа еркін қол жеткізу үшін жасалған.
Құрылымдық жағынан сайт бірнеше бөлімдерге бөлінген. Алғашқы үш бет пайдаланушыны Қасым-Жомарт Тоқаевтың 2019 жылдан бастап ел Президенті ретіндегі қызметінің тарихымен таныстырады.
Кандидаттың республикалық және облыстық қоғамдық штабы мүшелерінің жұмысы туралы жаңалықтар бөлімі де осында.
Одан әрі пайдаланушылар сайлауалды бағдарламамен таныса алады. Толық мәтіні бар опциядан басқа, бағдарламаның жеке блоктарын көруге болады.
«Өмірбаян» бөлімі классикалық мәтіндік форматта емес, ұзақ оқу түрінде – тақырыптармен, сирек фотосуреттермен және кандидаттың өмірінен, оның ішінде мектептегі және студенттік кезден, Сыртқы істер министрлігіндегі мансабынан және тағы басқалардан бірегей үзінділермен ұсынылған.
«Республикалық қоғамдық штаб» бөлімінде еліміздің әр өңірінен кандидаттың сенімді өкілдерінің тізімін таба аласыз. Аймақтық штабтың контактілерін іздеу үшін «Байланыстар» қойындысына өтіп, мекен-жайы, телефон нөмірі және пошта деректері бар қаланы таңдаңыз.
Сайттың соңғы бетінде пайдаланушыларға кандидаттың үгіт науқанына қатысуға мүмкіндік беретін интерактивті мүмкіндіктер қарастырылған.
Мысалы, пайдаланушылар кандидатты қолдайтын бейнені жүктей алады. Бөлімде Қазақстанның түкпір-түкпірінен келген 50-ден астам жастың бейнероликтері модерациядан өтіп үлгерді.
Сонымен қатар, пайдаланушылар елімізді көркейту мен дамытуға ұсыныс жібере алады. Барлық ұсыныстар аймақтарға бөлінген.
Қазақстандықтар үміткерге тілек хат жаза алады.
Айта кету керек, сайт үш тілде – қазақ, орыс және ағылшын тілдерінде бірдей жұмыс істейді.
