Қасым-Жомарт Тоқаев Шыңжаңдағы кездесуде туристік алмасуды дамытуға ерекше назар аударды.
«Туризм саласындағы ынтымақтастықтың болашағы зор. Қазақстанның үлкен туристік әлеуеті бар. Мен арнайы жаңа Туризм және спорт министрлігін құрдым. Қытайдан Қазақстанға туристер ағыны артады деп күтудеміз. Менің елімнің үкіметі елдегі туризмді дамытуға көп күш салады. Бұл ретте келесі жыл Қытайдағы қазақ туризмінің жылы болып жарияланды. Әрине, біз қазақстандық туристерді табиғи сұлулықты немесе сіздің әлеуметтік-экономикалық дамудағы жетістіктеріңізді тану мақсатында сіздің елге баруға шақырамыз», - деді Мемлекет басшысы.
Қазақстан Президенті Қазақстан мен ШҰАР арасындағы қарым-қатынастың тарихи-мәдени және гуманитарлық аспектілеріне де тоқталды.
«Шыңжаң ежелден мәдени дамуының жоғары деңгейімен әйгілі. Жергілікті шығармашылық топтар халықаралық деңгейде мойындауға лайық. Біз шығармашылық алмасулар мен өзара гастрольдік сапарларды жан-жақты дамытуды қолдаймыз, бұл тату көршілік пен достық байланыстарды нығайтуға септігін тигізері сөзсіз», - деді Мемлекет басшысы.
