Басты рөлді оның жиені Джафар Джексон сомдайды.
Поп патшасы Майкл Джексон туралы алдағы өмірбаяндық фильмнің алғашқы кадры жарыққа шықты. Жобада басты рөлді музыканттың жиені Джафар Джексон сомдайды. Жобаның режиссері Антуан Фукуа.
«Майкл» фильмінің премьерасы 2025 жылдың 18 сәуіріне жоспарланған.
Продюсер Грэм Кингтің айтуынша, Джафар Джексон бұл рөлге ең лайықты үміткер болды.
Джафар Джексон поп патшасының Майкл Джексонның ағасы Джермейн Джексонның 26 жастағы ұлы. Ол да туыстары сияқты әнші және 2019 жылы «Got Me Singing» синглін шығарды. Майкл Джексон мен жиенінің бет-бейнесінде кейбір ұқсастықтар шынымен де байқалады.
Актерлар құрамы Майклдың ата-анасы Кэтрин Джексон мен Джо Джексонның рөлін сомдаған Ниа Лонг пен Колман Домингомен, ал Майклдың ұзақ жылдар бойы қызмет еткен адвокаты Джон Бранканы сомдайтын Майлс Теллермен толықтырылды. Майклдың ұлы Принс Джексон Instagram желісінде немере ағасын мақтап, «армандар орындалды!» деп жазды.