Теміртаудағы гараждардың бірінен 16 жастағы Маугли жасөспірім табылды.
Теміртау тұрғыны Наталья Иванова гаражда қамауда отырған кәмелетке толмаған баланың тағдыры туралы айтып берді деп жазады esquire.kz tengrinews-қа сілтеме жасап.
Теміртау тұрғыны жігіттің патронаттық отбасында өскенін және дамудан әлдеқайда артта қалғанын айтты. Әйелдің айтуынша, бала жаза да, оқи да алмайды және ешкіммен мүлдем араласпайды.
"Бала Мауглиге ұқсайды. Ол патронаттық отбасында өсті. Оның шын ата-анасы қайда екені белгісіз. Сондай-ақ, баланы асырап алған ата-ананың қолында асырап алу жөнінде құжаттары мен туу туралы куәлігі де жоқ. Сол себепті де мектепке бармаған шығар. Солай баланы гаражға қамап ұстаған болар», - дейді Теміртау қаласының тұрғыны.
Қарағанды облыстық полиция департаментінің баспасөз қызметі жағдайға қатысты түсініктеме берді. Министрлік гаражда қамауда отырған жігіттің сонау тамыз айында табылғанын айтты.
"Теміртау қаласының полиция қызметкерлері тамыз айының басында кіріс қоңырауы бойынша гараждардың бірінен бас бостандығынан айырылған жасөспірімді анықтады. Оған дұрыс тәрбие бермеген Теміртау қаласының тұрғыны анықталды. Қылмыстық іс қозғалды. Аталған факті бойынша Қазақстан Республикасы Қылмыстық кодексінің 126-бабы «Бас бостандығынан заңсыз айыру» және 141-бабы «Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау» бойынша тіркелді,"- деп хабарлады Қарағанды облысының ДП баспасөз қызметі.
Сондай-ақ департамент қажетті сараптамалар жүргізілді деді. Тергеу жалғасуда.
