Қазақстандық Елдос Сметов Ташкентте өткен дзюдодан әлем чемпионатында қола жүлдегері атанды. Спортшының үшінші орын үшін болған жекпе-жектен кейінгі видеосы желіде тарап кетті.
Олимпиаданың екі дүркін жүлдегері өзбекстандық Дилшодбек Баратовты жеңгеннен кейін қазақстандықтың таңғыштары мен басқа да медициналық заттарын шешіп жатқаны бейнеленген видео пайда болды.
"Ауыр еңбек, ауыр жарақаттар мен шелектеп төккен тердің астарында ауыр жекпе-жек пен жалауыңды көтерген санаулы минуттар тұр. Елдос Сметов Ташкентте өткен әлем чемпионатында ауыр жарақатпен күресіп, қола жүлдегер атанды. Нағыз батыр! Нағыз чемпион! Жарайсың, қазақстандық дзюдоның жарық жұлдызы!" – деп жазады дереккөз.
