Ranking.kz аналитикалық порталының мәліметінше, 2024 жылы елімізде 368,7 мың бала дүниеге келген.
Қыздарға ең танымал есімдер Айлин мен Медина болды. Үздік бестікке Асылым, Айша және Томирис де кірді.
Осылайша, барлық жаңа туған қыздардың шамамен 13,5 пайызы осы бес есімнің бірін алған, деп жазады басылым.
Ұлдар арасында Мұхаммед есімі көш бастады. Одан кейін Айсұлтан, Мухаммад, Әлихан, Омар есімдері ең көп қайталанғандар қатарында.
Қыздардан айырмашылығы, ұлдардың тек 7,6% -ы осы бес есімнің біріне берілді, бұл ұлдардың есімдерінің әртүрлілігін көрсетеді.
Соңғы он жылдағы талдау танымал әйел есімдерінің тізімінде салыстырмалы тұрақтылықты көрсетеді. Айлиннің есімі 2017 жылдан бері алғашқылар қатарында тұрды, ал 2024 жылы бірінші орынға шыққан. Соңғы төрт жыл бойы көш бастап келген Медина екінші орынға түсті. Медина есімінің танымалдылығының артуы 2018 жылы Джах Халибтің аттас хитінің шығуымен байланысты.
Ұлдар үшін Мұхаммед есімі алғаш рет 2024 жылы ең танымал болды, дегенмен Мұхаммад есімі 2021 жылдан бері үнемі үздік ондыққа кіреді.
