Қазақстан Республикасының Сыртқы істер министрлігі шетелдік серіктестерімен визалық режимді жеңілдету бойынша жұмыстарды жалғастырып жатқанын хабарлады.
2025 жылдың 19 наурызында Қазақстан Республикасы Үкіметі мен Марокко Корольдігі Үкіметі арасындағы визалық талаптардан өзара босату туралы келісім күшіне енеді.
Бұл келісім екі елдің азаматтары – ұлттық паспорт иелері үшін визасыз режимді енгізуді қарастырады, олар басқа мемлекеттің аумағында 6 ай ішінде әрқайсысы 30 күнтізбелік күнге дейін визасыз бола алады, бұл мерзім шекараға кірген күннен бастап есептеле бастайды.
Аталған келісім туристік, іскерлік және мәдени байланыстарды дамыту үшін жаңа мүмкіндіктер ашады.
Сондай-ақ, Черногория билігі Қазақстан Республикасының азаматтарына визасыз режимді 2025 жылдың 31 желтоқсанына дейін ұзарту туралы шешім қабылдады.
Бұл шара Черногорияға туристік және іскерлік сапарлар жоспарлап отырған қазақстандықтарға жаңа мүмкіндіктер ашып, екіжақты ынтымақтастықты нығайтуға септігін тигізеді.
Сонымен қатар, Оман Сұлтандығының Сыртқы істер министрлігі Қазақстан азаматтарына визасыз режимді ұзарту туралы хабарлады. Енді Қазақстан азаматтары Оманда 30 күнге дейін бола алады, бұған дейін бұл мерзім 14 күнді құрайтын.
Дегенмен, визасыз режим еңбек қызметі, білім алу және тұрақты тұру үшін қолданылмайтынын ескеру маңызды.
