Robert Plant 6 Saving Grace Алматыда өнер көрсетеді

Атақты рок-ұжым Led Zeppelin-нің британдық вокалисі Роберт Плант әлемдік Root 6amp; Branch туры аясында өз жобасы Saving Grace-пен бірге Қазақстанда өнер көрсетеді. Концерт 28 тамызда Алматыдағы Республика сарайында өтеді.

Бұл — Орталық Азиядағы Роберт Плант пен Saving Grace-тің тарихтағы алғашқы концерті. Билеттерге алдын ала сатылым 12 қарашада басталады, ал негізгі сатылымға билеттер жұма күні, 13 қарашада түседі.

Музыкалық сыншылар жоғары бағалаған Роберт Планттың жаңа мини-альбомы Saving Grace: All That Glitters... енді цифрлық платформаларда қолжетімді. Бұған дейін альбом винил күйінде Record Store Day аясында жарық көрген. Бұл релиз 2025 жылы шыққан және сыншылардың оң бағасын алған Saving Grace альбомының шежіресін жалғастырады. Екі релиздің жазылуына вокалист Сьюзи Диан және Роберт Плант өз үйім дейдіін ағылшын ауылдық өңірінің жергілікті музыканттары қатысты.

Мини-альбомдағы төрт туынды Плант пен оның әріптестеріне жақын фолк-музыка мен американа бағыттарының әлемін әрі қарай зерттейді. Релизге дәстүрлі The Blackest Crow және Two Coats әндері, Джиллиан Уэлчтің Orphan Girl композициясы, сондай-ақ Беррт Янштың Poison трегі енді.

Топ құрамында мына музыканттар бар: вокалист Сьюзи Диан, барабаншы Оли Джефферсон, гитарист Тони Келси, банджода және өзге де шекті аспаптарда ойнайтын Мэтт Уорли және виолончелист Барни Морс-Браун. Олар бірге түп-тамырлы музыканың дамуын — оның дәстүрлі пішіндерінен заманауи интерпретацияларына дейін — зерттейді. Музыканттарды блюз, фолк, госпел, кантри және осы бағыттардың тоғысындағы өзге жанрлар секілді корневой музыкаға деген ортақ сүйіспеншілік біріктірді.

Saving Grace тарихы 2019 жылы Уэльстің шекараға жақын орналасқан ауылдық өңіріндегі Роберт Планттың үйінде басталды. Жаңа пікірлес ұжым бір жылдай ғана бірге тәжірибе жасап, Fairport Convention-ның бірнеше концертінде қыздырғыш ретінде өнер көрсетіп үлгергенде, пандемия килігіп, барлық ресми жоспарларды уақытша шегеруге тура келді.

Шектеулер музыкалық қызметке оралуға мүмкіндік берген сәтте, Плант пен Saving Grace материалды бейресми жағдайда — арнайы жабдықталған қорада не ашық аспан астында — жаза бастады. Кейін музыканттар айғайлы хабарландырулар мен ауқымды жарнамасыз-ақ шағын алаңдарда концерттерді өздері ұйымдастыруға кірісті.