Магнус Карлсен бес дүркін әлем чемпионы және планетадағы ең мықты шахматшылардың бірі болып саналады.
Норвегиялық шахматшы Магнус Карлсен Champions Chess Tour Chessable Masters 2023 онлайн-турнирінде жеңілгендердің финалында жапондық Хикару Накамурадан тінтуірді қате басқандықтан жеңіліп қалды.
Тең аяқталған екі ойыннан кейін әлемнің ең мықты шахматшылары саналатын Накамура мен Карлсен арнайы «Армагеддон» шахмат ойынында өзара бетпе-бет келді. Себебі, алдыңғы тай-брейктерде жеңімпаз анықталмады. Тартысқа толы ойын аяқталуға жақын қалғанда, соңғы секундтарға дейін шахматшылар бір-бірінен кем түспеді.
Осы кезде норвегиялық шахматшының компьютер тінтуірі кенет сырғып кетіп, ол кездейсоқ F6-ға "патшайымын" орналастырды. Бұл қате қадам Хикару Накамураға Карлсеннің бөлігін өзіне алып, жеңіске жетуге мүмкіндік берді.
Бес дүркін әлем чемпионы жеңіліске эмоционалды түрде жауап берді: ол айқайлап, мұңайды. Жапондық шахматшы, керісінше, әбден риза болды.
"Мен оның ең үздік ойыншы екенін білемін, бірақ ол әр матчта жеңіске жете алмайды! Біреудің жолы болған сайын жолы бола бермейді. Бұл жолы жеңіс маған бұйырыпты", - деді Хикару Накамура.
