Шығыс Қазақстан облысында жарылыс: 2 адам зардап шекті, 5 техника қирады

Шемонаиха қаласында газ сақтау қоймасы жарылды. Бұл туралы Төтенше жағдайлар министрлігінің баспасөз қызметі хабарлады.

"22 маусымда Шемонаиха қаласы Украинская көшесіндегі газ баллондарына жанармай құю станциясында болған жарылыс салдарынан өрт шықты. Өрттен 5 бірлік техника жойылды.

Сағат 14:44-те өрт оқшауланды. Термиялық күйік алған 2 адам ауруханаға жеткізілді. Тұрғын үйлер мен орман қорына қауіп жоқ," - делінген ТЖМ хабарламасында.

Ведомствоның мәліметінше, тұрғын үйлер мен орман қорына қауіп төніп тұрған жоқ. Өртті сөндіруге 5 өрт сөндіру көлігі мен жеке құрамнан 12 адам жұмылдырылды.