Бүгін сізді құтқарушылар туралы фильмдерді көру арқылы осы мамандықтың ерекшеліктері мен қиындықтары туралы көбірек білуге шақырамыз.
1. “Глубоководный горизонт”, 2016
Басты рөлдерде: Марк Уолберг, Курт Рассел, Джон Малкович, Джина Родригез, Дилан О’Брайен, Кейт Хадсон, Итан Сапли, Генри Фрост, Джереми Сэнд, Дуглас М. Гриффин
Кезекті ауысымға кетерде отбасыларымен қош айтысқан мұнайшылар енді қайтып оралмайтынын ойламады да… Бұл 2010 жылы Мексиканың Парсы шығанағында болған Deepwater Horizon мұнай платформасында болған жантүршігерлік апат туралы нақты оқиғаларға негізделген фильм. Дүниежүзілік тарихтағы ең ауыр техногендік апаттардың біріне қарсы теңдесі жоқ ерлік пен батылдық туралы бұл фильм — сөзсіз көруге тұрарлық туынды.
2. “Дело храбрых”, 2017
Басты кейіпкерлер: Киану Ривз, Сандра Буллок, Деннис Хоппер, Джо Мортон, Джефф Дэниелс, Алан Рак, Гленн Пламмер, Ричард Лайнбэк, Бет Грант, Хоторн Джеймс
2013 жылы Аризона штатында үлкен өрт жолындағы барлық нәрсені жойып, тез тарала бастады. Қайғылы жағдай тұрғындарды үйлерін тастап, түтінге тұншығуға мәжбүр етті. Өрт жылдам өршіп, Ярнелл қаласына қарай бет алды. Өрт сөндіру қызметі өртті тоқтатуға бар күш-жігерін салғанымен, олардың әрекеті оң нәтиже бермеді. Жазықсыз адамдардың өмірін сақтап қалу үшін қауіпсіздік қызметі төтенше шаралар қабылдауға мәжбүр болды. Прескоттан он тоғыз өрт сөндіруші осындай апаттармен күресу үшін апат аймағына жіберілді.
Команда тез арада жоспар құруға кірісіп, өрт ошағына қарай бет алды. Жалынды тиімді сөндіру үшін «Дело храбрых» фильмінің кейіпкерлері өздерін құрбан етуге мәжбүр болды, өйткені олар мұндай жағдайда өздеріне көмектесе алмаған бейбіт тұрғындардың өміріне жауапты болды. Құтқарушылар өзгелерді құтқару үшін өз өмірін қиды. Оларға көмекке әуе күштері де жіберіліп, тұтанған жерге тонналап су лақтырылды. Аризона Америка Құрама Штаттарының он тоғыз нағыз батырының өмірін қиған үлкен трагедияны бастан өткерді.
3. «Аспан тіреген ғимарат» (“Небоскреб”) фильмі, 2018
Басты рөлдерде: Дуэйн Джонсон, Пабло Шрайбер, Нив Кэмпбелл, Ноа Тейлор, Ци Ма, Роланд Мюллер, Кевин О. Ранкин, Байрон Манн,Мэтью О’Лири, Пол МакДжиллион
Басты кейіпкер ФБР арнайы күштерінің бұрынғы қолбасшысы, қазір әртүрлі мемлекеттік және жеке нысандардағы қауіпсіздік дәрежесін бағалайтын жоғары білікті маман Уилл Сойер келесі тапсырысын орындау үшін отбасымен Гонконгқа көшіп келеді. Ол әлемдегі ең биік зәулім ғимаратқа бақылау жүргізеді. Екі жүзге жуық қабат, заманауи өрт сөндіру жүйесімен және қауіпсіздікті қамтамасыз ететін озық технологиямен жабдықталған. Бұл аспан тіреген ғимарат бизнесмен Чжао Мин Цзидің нағыз мақтанышы. Бірақ қытайлықтардың бәсекелестері зәулім ғимаратты қиратуды ұйғарып, жоғарғы қабаттарға күтпеген жерден шабуыл жасайды. Қонақтардың арасында Уиллдің отбасы да бар. Басты кейіпкер қалай болса да отбасын құтқаруы керек. Ол бұл ауыр сынақтан өте алады ма?
4. “Смертельное пламя”, 2016
Басты рөлдерде: Шарлотта Арнольд, Стивен Богерт, Джоди Даудэлл, Грег Ованессян, Джейкоб Рихтер, Дэвид Сатклифф, Хэрмон Уолш, Майкл Ксавьер
Батырлық, өзгенің игілігі үшін өзін құрбан етуге дайын болу және аман қалу…
Бұл кейбіреулер үшін қорқынышты түс пен тіршілік үшін күреске айналған ең қарапайым таң болды. Әдеттегі кеңсе, қауіптен бейхабар жұмысшылар. Көбінесе қайғылы оқиғалар адамның ақымақтығынан немесе абайсыздығынан болады. Бір сәтте газ құбыры зақымданып, біреу темекі тұтатып, нәтижесінде сұмдық жарылыс болады. Тұтас бір топ адамдар ғимараттың сегізінші қабатында қамауда отыр. Олардың шығуға немесе түсуге мүмкіндігі жоқ. Жалын тез таралып, ғимараттан шығу мүмкіндігінен айырады… Оқиға орнына Рэй есімді өрт сөндіруші өзінің құтқарушылар тобымен келеді, жігіттер әбігерге түсіп, адамдарды қалай құтқару керектігін жоспарлайды. Сонымен бірге, ғимараттағы адамдар арасында өзара қақтығыстары басталады, олар аман қалу үшін бірлесіп әрекет етуі керек. Дегенмен, бұл көрінгендей оңай емес. Осылайша, зардап шеккендер ортақ тіл табуға тырысқанда, батыл құтқарушы өз өміріне қауіп төндіреді. Осы жанған өрттен тірі адам қала ма?
5. «Тревожный вызов”, 2013
Басты рөлдерде: Холли Берри, Эбигейл Бреслин, Моррис Честнат
Байланыс орталығында оператор ретінде жұмыс істеу оңай болып көрінеді және арнайы дағдыларды қажет етпейді деп ойлауыңыз мүмкін. Алайда сіз 911 төтенше жағдай операторы болып жұмыс істесеңіз және біреудің өмірі сіздің шешімдеріңізге байланысты болса ше? «Дабылды қоңырау» триллерінің басты кейіпкері, жас әйел Джордан Тернер осындай жауапты жұмысты өз қалауымен таңдады. Кейде адамдардың өмірін сақтап қалуға болады, кейде ол мүмкін емес, өйткені құтқару қызметі құдіретті күш емес.
Бір күні Джордан жас қыздың қанішер маньяктың қолынан қайтыс болуына әкелген қателік жасады. Бұл трагедия басты кейіпкерді терең психологиялық күйзеліске әкелді. Араға ұзақ уақыт салып Джордан өзіне келіп, тіпті позициясын өзгертті. Оны алда тағы сондай сынақ күтіп тұр еді. Бірнеше қатігез өлімге жауапты маньяктың қолындағы жас қызды құтқаруы керек. Бұл жолы оның қолынан келеді ма?
Ақерке Дүйсенбай
