Дүйсенбі күні мұнай таситын 19 танкер Түркияның суларынан өтуге рұқсат ала алмай күтіп тұрғаны хабарланды. Мұны кеме брокерлері, мұнай трейдерлері және спутниктік бақылау қызметтері растады.
Мұнай танкерлері Түркия жағалауында Ресей мұнайының батыс бағасын шектейтін бірінші күні кептеліп қалды, ал Анкара барлық кемелерден сақтандыруы бар екенін дәлелдеуді талап еткен.
Экономист Ғалымжан Айтқазин TankerTrackers агенттігінің мәліметінше, Түркия жағалауындағы кемелердегі мұнайдың басым бөлігі қазақстандық екенін айтады.
Осы аптада G7 елдері, Австралия және Еуроодақтың 27 мемлекеті енгізген ресейлік мұнайдың барреліне $60 шекті бағасы күшіне енді. Келісім мұнайды осы шектен жоғары бағамен жеткізуге, сондай-ақ осы бағадан жоғары сатылған ресейлік мұнайды тасымалдайтын кемелерді сақтандыруға тыйым салады.
Financial Times газетінің хабарлауынша, мұнай саласының төрт көшбасшысы осы оқиғаларға байланысты Түркияның өз суларынан өтетін барлық кемелерден сақтандыру құжатын көрсетуді талап еткенін айтты.
«Кемелер Ресейдің Қара теңіз порттарын халықаралық нарықтармен байланыстыратын екі бұғаз, Босфор мен Дарданел бұғаздарының жанында якорь жасады. Бірінші танкер 29 қарашада келген және содан бері күтуде», - делінген хабарламада.
