Премьер-министр Олжас Бектенов Экология министрі Ерлан Нысанбаевтың баяндамасында қоқыс өңдейтін «қосымша» екі зауыт тапты.
"Бұрын ұсынылған ақпарат бойынша 35 зауыт салынады. Баяндамада 37 жаңа зауыт салынатынын айттыңыз. Тағы 2 жаңа зауыт қайдан шықты?», - деп сұрады Бектенов Нысанбаевқа.
"Астанада тағы екі зауыт қосылды. Олар кеше есепке қосылды. Слайдтар өткен аптада берілді", - деп жауап берді министр.
Бұдан кейін Премьер-Министр сөз нақты жүзеге асырылатын жобалар туралы болып жатқанын түсіндірді. Нысанбаевтың айтуынша, бұл жобаларға қатысты мәселелер күн сайын уәкілетті органдармен талқыланады.
«Әрбір әкімдікте күн сайын облыс әкімінің тиісті орынбасарлары, сондай-ақ тиісті басқарма қызметкерлерімен бірлесіп жұмыс жүргізілуде. Әрбір жоба қаралады. Мұндағы жобалардың дайындық деңгейі өте жоғары», - деп сендірді шенеунік.
Үкімет басшысы бұл мәселені бақылауда ұстауға уәде беріп, министрден нақты деректер беруді талап етті.
