12 қарашада АҚШ-тың Техас штатында Wings Over Dallas авиасалонында екі ұшақ соқтығысты. Зардап шеккендер мен қаза тапқандар туралы мәлімет жоқ.
Соқтығыс сәті видеоға түсіп қалған. Әлеуметтік желіде жарияланған видеода Екінші дүниежүзілік соғыс кезіндегі бомбалаушы B-17 ұшағы кері бұрылып жатқан кішірек ұшақпен әуеде соқтығысқан. Соқтығысқаннан кейін В-17 ұшағының алдыңғы бөлігі шығып, жерге тигеннен кейін ұшақ отқа оранды.
Куәгерлердің айтуынша, соқтығыстан кейінгі бөлшектер шоу өткен алаңның сыртына шашылып кеткен. Ұшақтың сынықтары тіпті тас жолда көрінген сондықтан жолдың бір бөлігі көлік қозғалысы үшін жабылған.
Даллас өрт сөндіру және құтқару қызметінің өкілі Джейсон Эванс әуе шоуының ұшқыштары мен көрермендері арасында зардап шеккендер немесе қаза тапқандар туралы мәлімет жоқ екенін айтты.
