Бұл туралы мессенджердің негізін қалаушы Павел Дуров мәлімдеді.
2024 жылы Telegram Premium пайдаланушыларының саны үш есеге, яғни, 12 миллионға жетіп, жарнамадан түсетін табыс айтарлықтай өскен. Нәтижесінде Telegram-тың жалпы кірісі миллиард доллардан асып, компанияға крипто активтерін есептемегенде 500 миллион доллардан астам ақша қорымен жылды аяқтауға мүмкіндік берді.
«Соңғы төрт жылда Telegram шамамен 2 миллиард доллар қарыз шығарды. Олардың айтарлықтай бөлігі осы күзде Telegram облигацияларының қолайлы бағалары арқасында төленді. Монетизацияға арналған инновациялық шешімдеріміз (жұлдыздар, сыйлықтар, шағын қолданбалар және т.б.) әлеуметтік медиа платформалары тәуелсіз және пайдаланушылардың құқықтарын сақтай отырып қаржылық тұрақтылыққа қол жеткізе алатынын көрсетеді», - деп жазды Дуров.
2023 жылы компанияның кірісі 342 миллион долларды құрады, операциялық шығындар 108 миллион долларға жетті және салықтардан кейінгі жалпы шығын шамамен 173 миллион долларды құрады. Дуров жеке өзі Telegram облигацияларына кемінде 64 миллион доллар инвестициялаған. 2023 жылы шамамен 400 миллион долларға бағаланған оның балансындағы цифрлық активтердің құнының өсуі қаржылық шығындардың бір бөлігін өтеуге көмектесті.
Telegram-дың қаржы саласындағы тарихы шамамен екі миллиард долларды құрайтын қарыз міндеттемелерін орналастырудан басталды. Облигациялардың қолайлы шарттарының арқасында бұл қарыздардың бір бөлігі күзде өтелді. Бұл компанияның қаржылық тұрақтылығын қолдайтын инновациялық монетизация шешімдерінің арқасында мүмкін болды.
