Бүгін, 25 сәуірде Қазақстан халқы Ассамблеясының ХХХІІІ сессиясының отырысында Мемлекет басшысы БАҚ пен блогерлер елдегі су тасқыны жағдайы туралы жалған ақпарат таратқаны үшін жауап беретінін айтты.
Кездесу барысында Мемлекет басшысы еліміздің өңірлеріндегі табиғи апат фонында жалған ақпараттар әлеуметтік күйзелісті тудыратынын атап өтті.
«Бұқаралық ақпарат құралдары мен өздерін блогер деп атайтын жекелеген азаматтар табиғи апат төңірегінде истерияны өршітіп, жаппай айыптау арқылы қоғамды топтастыруға нұқсан келтіретінін түсініп, жалған ақпарат таратпауы керек. Мұндай әрекеттер біздің халқымыздың беделіне нұқсан келтіріп, әлеуметтік депрессияны арттырады. Сондықтан мұндай келеңсіз құбылыстардың алдын алу үшін билік мемлекетіміздің қауіпсіздігіне қол сұғуға мұрындық болған тұлғаларға қатысты заңды шараларды қабылдайды», — деді президент.
Соған қарамастан, Мемлекет басшысы мемлекеттік қызметшілерд беделді және жауапты белсенділердің пікірін тыңдауы қажет екенін айтты.
«Бұл ретте барлық деңгейдегі билік ел азаматтарымен, әсіресе, беделді де жауапты белсенділермен тығыз байланыста болып, халықтың пікірін тыңдап, ең бастысы, тез әрі дұрыс шешім қабылдауға міндетті.
Азаматтардың басым көпшілігі мемлекетке қазір көптен бері толып жатқан көптеген мәселелердің түйінін тарқатуы керек екенін түсінеді. Үкіметке, бір жағынан, көптеген салаларда қарапайым тәртіпті жедел қалпына келтіру, екінші жағынан, еліміздің одан әрі тұрақты дамуының негізін қалау қажет», — деді ол.
Мемлекет басшысы бірқатар облыстардағы ағымдағы су тасқыны жағдайына байланысты Ассамблеяның ағымдағы сессиясын онлайн форматта өткізу туралы шешім қабылдағаны атап өтілді.
