Әйгілі UFC промоушені UFC Connected шоуы аясында атақты қазақстандық боксшы Шавкат Рахмонов туралы деректі фильм шығарды. Боксшы бұл жобаға қатысқан еліміздің ең алғашқы өкілі болды.
Ұзақтығы 12 минуттай деректі фильмде қазақ халқының тарихы, салт-дәстүрі, әдет-ғұрпы мен мәдениеті қамтылған. Шавкат Рахмонов бұл фильмде күрескер ретінде қалыптасуы туралы айтып, алдағы жоспарлары мен мақсаттарымен бөлісті.
Бүгінге дейін Nomad 16 жеңіске жетті және барлығы мерзімінен бұрын, бірде-бір жеңіліс жоқ, оның 4-і UFC турниріндегі UFC рейтингінде Рахмонов жартылай орта салмақта 10-шы орында тұр.
Шавкат Рахмоновтың келесі жекпе-жегі 2023 жылдың 15 қаңтарына жоспарланған, оның қарсыласы 32 жастағы америкалық Джефф Нил (15-4) болады.
UFC Connected жобасы - британдық жүргізуші Лейла Анна-Лидің журнал стиліндегі телешоуы. Жоба UFC және оның спортшыларына бейресми көзқарасты ұсынады.
