Ғылыми-зерттеу жұмыстары барысында “Алтын-Емел” мемлекеттік ұлттық табиғи паркінің ғылым, ақпарат және мониторинг бөлімінің қызметкерлері суаттарда фототұзақтар орнатты.
Нәтижесінде Қазақстан Республикасының Қызыл кітабына енген қар барысының (Panthera uncia) бірегей кадрларын алуға мүмкіндік туды.
Олардың айтуынша, қар барысының болуы жабайы табиғатты сақтауға қолайлы жағдайлардың бар екенін және парктің жүргізіп жатқан табиғатты қорғау шараларының тиімділігін растайды.
«Қоршаған ортаны қорғаудың мемлекеттік бағдарламасы аясында мониторинг жұмыстары жалғасуда», - деп хабарлайды «Алтын-Емел» мемлекеттік табиғи паркінің өкілдері.
