Украина президенті халыққа жолдауында келіссөздердің мақсаты АҚШ-пен табиғи ресурстарға қатысты келісімді, сондай-ақ Украина үшін бейбітшілік пен қауіпсіздік кепілдігін талқылау болатынын айтты.
Біздің командалар Америкамен жұмыс істеуде, біз осы жұмада келіссөздерге дайындалып жатырмыз. Америкамен келісім - бейбітшілік пен қауіпсіздік кепілі, Ресейдің бұдан былай басқа халықтардың өмірін қиратпауының кепілі. Мен президент Трамппен кездесемін. Американың көмегінің тоқтап қалмауы мен үшін де, әлемдегі баршамыз үшін де маңызды. Бейбітшілік жолында күш-қуат қажет, - деді Украина көшбасшысы.
Владимир Зеленский америкалық қолдаудың және халықаралық әріптестермен күш-жігерді үйлестірудің маңыздылығын атап өтті.
АҚШ-тың Украинаның минералдық ресурстарына қол жеткізуін қамтамасыз ететін Инвестицияларды қалпына келтіру қоры туралы келісімге қол қоюға дайындық қызу жүріп жатыр.
