Қазіргі қазақ жазушылары соңғы жылдардағы сенсациялық бестселлерлердің авторларынан еш кем түспейді. Оларға сол танымалдылық пен жариялылық жетіспейтін шығар. Дегенмен, отандық сөз бен қалам шеберлерінің көз алмай оқитын, үздік 5 кітабын назарларыңызға ұсынамыз.
Ермек Турсунов «Мамлюк», 2023
Атақты кинодраматург әрі режиссер Ермек Тұрсыновтың «Мәмлюк» романы 13 ғасырдағы (Араб халифаты) Мысырдың аты аңызға айналған сұлтаны әл-Захра Бейбарыстың өмірін баяндайды. Кітап автордың ерте орта ғасырлардағы Таяу Шығыс елдерінің тарихы бойынша көп жылғы зерттеулерінің нәтижесі болып табылады. Араб әлемі мен ислам тағдыры үшін дәл осы бетбұрыс кезеңде Ұлы даланың тумасы Бейбарыстың жұлдызы көтерілді, оны діндас замандастары «Рукн ад-Дин» («Иман тірегі») деп атады. Романның әрбір жолында інжіл ақсақалдарының, пайғамбарлардың, иман жолындағы қасиетті шейіттердің жолын бойлай қыдырудың ізі бар. Әр сөзінде көне қолжазбалар мен қазіргі тарихшы, дінтанушы, дінтанушы ғалымдардың еңбектері беттерінде сақталған сонау заман тынысының жаңғырығы бар. Бұл дереккөздер автордың аты аңызға айналған түрік туралы өзіндік көзқарасын дамытып, оның көркем бейнесін жасауда объективті бағдар болды. Роман ғылыми зерттеу ретінде көрінбейді. Автор әдеби құралдарды пайдалана отырып, күш-қуаты жоқ құл мен қатардағы жауынгерден қуатты билеуші мен жеңісті қолбасшыға дейінгі драмалық жолды басынан өткерген қаһарманның өмірбаяндық маңызды белестері мен тұлғалық қасиеттерін көркемдік тапқырлықпен, психологиялық тұрғыдан нанымды түрде жаңғыртады. Кітап қызығушылық танытқан оқырманға романның тақырыптық өрісіндегі өзіндік ой-толғаулары бай материал береді.
Досжан Сауле «Ауылдан шыққан миллионер», 2023
Жазушы, ҚР Еңбек сіңірген қайраткері Сәуле Досжанның «Ауылдан шыққан миллионер» хикаятында еңбектің қадірін, жастайынан нарықтың талабын біліп өскен Жомарттың жетістіктері шынайы оқиғалармен өрбіген. Автор осы шығармасы арқылы қазақтың бизнес бастауға ниетті жастарына жол көрсетеді. «Бай болсам!» деп армандаған балаға рухани тәлім береді. Автор өзі армандағандай, әр қазақтың баласы бай болып, мақсатына жетуге тиісті. Тәуелсіз Қазақстанның болашағы солар! Кітап жалпы оқыриманға арналған.
Бекахметов Ғабит «Барсакелмес. Көшпенділердің оралуы», 2023
“Барсакелмес” романы қазақ әдебиетіне жаңа бағыт, жаңа тыныс алып келуімен ерекше. Астары мен тұстары мол бұл шығармада жылдам өзгерістерге бейім жаһандану өркениетінің жасанды интеллект сынды машинасы авторитарлық жүйенің жасырын бетпердесін бір сәтте сырып тастап, қитұрқы әрекеттерін айдай әлемге әшекерлеп бере алатынын паш етеді. Білім алу үшін Ұлыбританияға келген жас Кенесары ол жақтан жоңғардың соңғы ханзадасы Әмірсананың реинкарнат көшірмесі ұйғыр ұлтының өкілі Абдолланы кездестіреді. Хан мәртебесін жалпыға мойындату үшін Англия ханшайымына жүгініп, қолдауына ие болған екеудің әрекеті Ресей агенті Иван мен Қазақстан Президенті Қозғановқа ұнамайды. Сонымен, Кенесары мен Әмірсананы клондау идеясының артында кім тұр? Ресейді басқару тізгінін уысында ұстап отырған “Мәңгілік бастың” шынайы құпиясы қандай? Бас кейіпкерлер қиындықтарды жеңіп шығып, жаһандану заманында көшпенділер өмір салтын қайта жаңғырта ала ма, әлде Кенесарының басы тағы да қауіп-қатерге тігіле ме? Роман көпшілік оқырманға арналған.
Жібек Зинелова, Шразаддин Каниязов «Жүрекке билет», 2023
Кейде адам өзіне беймәлім болмыспен бір сәт тілдесіп, рухани дүниесін азықтандырғанды жақсы көреді. Ал егер ондай адам сапарда жолықса ше? Оның жан дүниесі дәл сені түсіне алатындай көркем болса ше? Онда тағдыр сапарласты дәл таңдап қосты деген осы болар. Ондай сәттілік мыңнан бірге ғана нәсіп. Дәл осы екі кейіпкер сондай «өмір бойы бір-бірін іздегендердің» жемісі. Бұл кітап жаны жанымен, ойы ойымен, болмысы болмысымен, рухы рухымен тұстас қос тағдырдың өміріндегі ең бояулы сәттерді суреттейді..
Ақыш Нұрдаулет «Тау ішіндегі тауқымет», 2023
Жас оқырмандарға арналған бұл жинаққа жазушының шытырман оқиғалы шығармалары топтастырылған. Повестердің қай-қайсысы да жетектеп әкететін қызықты сюжеттерге толы. Әр туындының тәрбиелік әрі танымдық сипаты да көрініс тапқан. Жас кейіпкерлердің мінез-құлықтары жақсы дараланған. Бұл шығармалар жас оқырмандарға ерекше әсер етері сөзсіз.
