Бишімбаевпен әңгімесі сотта жария етілгеннен кейін екі полиция қызметкеріне сөгіс жарияланды.
Еске салайық, 9 қарашада Салтанат Нүкенованың өлімі фактісі анықталғаннан кейін Астанадағы «Бау» мейрамханасында болған қайғылы оқиға орнына полиция қызметкерлері жеткен болатын. Қуандық Бишімбаев залда полицияны күтіп отырған. Бастапқы жауап алу кезінде полиция қызметкері ұсталған Бишімбаевқа сөйлеп, Салтанат Нүкеноваға қатысты «Она, наверное, сама нозила» деген сөзді айтқан. Бұл сөзді 8 сәуір күні тікелей эфирде сот процесін бақылағандардың барлығы естіді.
Астана полиция департаменті бұл факті бойынша қызметтік тексеруді бастап, жақында аяқталды.
Астаналық патрульдік полиция полкінің инспекторы қызметтік тәртіпті бұзғаны үшін сөгіс алды.
ӘҚБтК-нің 434-2 бабының талаптарын бұзғаны үшін Есіл аудандық ІІБ анықтаушысына қатаң сөгіс жарияланды. Жедел уәкіл Бишімбаевпен бірге көшеде темекі шегіп, бір уақытта жерге түкіргені де видео тегке жазылып, сотта көрсетілген.
Осы бап бойынша жаза бес айлық есептік көрсеткіш мөлшерінде (2024 жылы 18 460 теңге) айыппұл салынады.
