Барлығы 181 мың талапкер тестілеуге қатысуға ниет білдірді.
Кентаулық талапкер Айдос Қожанов Ұлттық бірыңғай тестілеуден өтіп, республика бойынша ең жоғары балл жинады.
Жігіт 138 ұпай жинады – бұл көрсеткіш республика бойынша ең жоғары көрсеткіш (ең жоғары балл – 140).
Айдос Юрий Гагарин атындағы No16 мектеп-лицейде 10 жыл оқып, 11-сыныпта Грант мектебіне ауысты. Жігіт болашақта математика пәнінің мұғалімі болғысы келеді.
Өткен аптада ҰБТ-да ең жоғары балл 137 болды. Оны бірден үш талапкер жинады.
Тестілеуге барлығы 181 мың талапкер екі талпыныспен қатысуға ниет білдірді, қазір 330 мыңға жуық өтініш қабылданды.
Ұлттық бірыңғай тестілеу — Қазақстан Республикасында қолданылатын мектеп бітірушілердің білімін сынау жүйесі. ҰБТ-ның нәтижесі жалпы және орта білім ұйымдары бойынша мемлекеттік аттестацияның қорытындысы ретінде есептеледі, ал қабылдау емтиханы ретінде колледждермен, ЖОО-мен есептелінеді.
